Bilasizmi qarg'alar bo'rilar bilan pinxona kelishuv qilishgan.
Bu kelishuv ming yillardan beri davom etmoqda.
Qarg'a ko'kda parvoz etar ekan bo'ridan zaif har qanday jonzotni ko'rishi bilan shodon qichqita boshlaydi.Bu ovozdan shu yaqin orada biqonib yotgan bo'ri o'ziga kerakli habarni olishi bilan o'ljasi tomon intiladi.
Ov baroridan kelib qornini to'qlagan bo'ri uyiga qaytadi,undan qolgan qoldiqlar esa qarg'alarga nasiba...
Jildirsoyga qish qattiq keldi...
Duñyoda tirik jon borki qorin g'amida shu qatori bo'rilar ham.Jikdirsoyga yana bo'ri oraladi.Bu safar ko'proq talofatlar ham shunga yarasha.
Har kuni yangi habar albatta kimningdir jonlig'i yo'qolganidan boshlanardi.
Qishning qorli qirovli tuni o'tib tong yorishgan vaqti cho'yan pechkaga o'tin qalab ustiga og'ir choynakni qo'ygan Mansur qo'llarini bir biriga qoqqan bo'lib o'rnidan turdi.
Kecha Ashur do'konchi uyiga un kelganini ayygan edi,borib bir xaltasini olib kelishi kerak.Sovuqda issiq uydan chiqgisi kelmasa ham choponi ustidan qiyiq ro'molni mahkam qisib boylab shapkasini bostirib ko'chaga chiqdi.Sovuqdan yuzlari charsillab ketdi o'ziam.Kaftlariga kuh kuhlab  ko'chada ketib borar ekan Nizomning uyiga yaqinlashganda qadami sekinlashdi.Ko'ngli sezgan ekan Darvozadan qo'shni ayol uning ortidan qorni qappayib qolgan Nargiza bo'y ko'rsatdi.
Mansurning yuragi urishdan to'xtadi,qadamlari ham kichrayib oxiri bir joyda qimirlamay qotib qoldi.Qo'shni ayolni kuzatib ortiga burilgan Nargiza Mansurni ko'rib bir muddat to'xtadi.Nigohlar tutashdi.Mansur hayolida Nargiza huddi uni masxara qilayotgandek edi go'yo.
-Salom..deyaoldi Mansur zo'rg'a.
Nargiza bir so'z demay ichkariga kirib ketdi.Darvozaning ikki tomonida ham ko'zlardan yosh oqmoqda edi ularning.
Armonga aylangan sevgi...Dunyoda necha ming kishi sevgisiga yetolmaydi bular nima bo'libdi deysiz balki.Ha bular kim bo'libdi taqdirning achchiq qismati oldida.
Mansur alam va g'azab bilan magazinchining uyi tomon yurib ketdi.
Eshikdan kirib borganda ayvonchada o'ziga o'xshab qavaat qavat to'n kiygan bir necha hamqishlog'ini ko'rdi.
-Assalomalaykum akalar deb Mansur har biri bilan ko'rishib chiqdi.
-Ana bizning mergan ham keldi deb Ashur magazinchi yelkasidan qoqdi.
-E ukam nima bo'ldi qishloqni yana bo'ri bosdiku otmaysanmi bitta yarimtasini o'tgan yilgidek  zora qadami uzilsa biror zamon.
-Ashur aka endi hudo hohlasa niyyat bor.
- E aen niyyat qilib o'tiraver ana bugun Nizomning uchta qo'chqorini bo'g'izlab ketgan ekan jahl ustida bore  deb Qirondalaga qarab ketdi miltiqni osib.Eshitishimcha bo'rilardi ini o'sha taraflarda emish.
-Yo'ge dedi Mansur Ashurga qarab.
-Ha uka shunaqa unga kelganmiding mana bu xaltadagi un seniki olib ketaver dedi Ashur.Mansur unga pulni uzatib xaltani dast yelkasiga oldida uyiga qarab yugurib ketdi xisob.
-Ex shundoq bola bir qizni deb harob bo'lmasa bo'ldi da dedi Ashur.
-Ha to'g'ri aytasiz gapga qo'shildi Shokir traktorchi.
-Shokir aka siz boya Qirondaladan kelyabman dediz nima qildiz u yerda so'radi Ashur do'konchi.
- E uyoqdami qopon qo'yib keldim bir ikta bo'rilar uchun tor so'qmoq yo'liga.
-E akam esiz joyidami ha u bu odam tushib qolsa naqdgina bo'rilarga yem bo'ladiku aka.
- Eee bunaqa izg'irin sovuqda qaysi esini yegan Qirondalaga boradi yana naqd bo'rilarning orasigaya.
-Ana Nizom ketibdiku!!
-Unga aytdim xavotir olma so'qmoqdan yurmaydi.
-Hay bilmadim aka yana qarangda o'zizga...

Mansur uyiga yetib kelganda qora terga botgandi.Charchab qolganidan hansirab nafas olardi.Hozir u umuman charchoqni his qilmasdi uning hayolida faqatgina bir o'y bor edi qasos.
Ha qasos olish uchun ayni qulay vaqti Qirondalada bunaqa izg'irinda hech kim bo'lmaydi qishloqdan ancha uzoqda o'q tovushi ham yetib kelmaydi.
Mansur o'z hayollaridan hursand holda barcha tortgan alamlari uchun qasos olaman deb qo'shotarini yelkasiga ilib qishloq panalab Qirondalaga chiqib ketdi.Orqasidan Hayrinso momo nosini tuflagancha hay qayoqqaa degancha qolaverdi..
Havo bulut demakki yaqin orada yana qorbo'ron boshlanadi,o'zi shundoq ham sovuqligidan odam muzlayman deydi.Bunaqa sovuqda biror soat bir joyda turish o'lim bilan barobar.
Mansur qilishi kerak bo'lgan ishga shunchalr shoshilib tez yugurardiki o'tayotgan har bir soniya u uchun hal qiliuvchi lahzalarni uzoqlashtirayotgandek edi .Dadasi bilan yoshligidan ovda ulg'aygan Mansur qiynalmay tizza bo'yi qor kechib tepalikdan oshib o'tdi.Uzoqdan kutganidek qora sharpa imillab ketib borar edi.Bu aniq Nizomligiga shubxa yoq yelkasidagi miltig'idan dalolat.Faqat u negadir so'qmoqdan emas muzlagan ko'l ustidan ketib borardi.So'qmoqdan so'ng qalin archazor boshlanardi bo'rilar har zamonda o'sha yoqdan chiqib tashlanishi mumkin edi bunaqa vaqtda tepki bosish tugul miltiqni yelkadan olishga ham ulgirmaydi odam.Mansur tavakkaliga yo'lni kesib chiqish uchun so'qmoqqa tirmashdi..
Yigirma daqiqalar yugurganidan so'ng Nizom bilan oralari ancha qisqardi.
Nizom shundoq oyoqlari ostida yuz qadamcha nariroqda ketib borardi.Mansur qurigan yantoq ortiga yashirindi.Yana bir bor miltiqni yaxshilab tekshirgach mo'ljalni oldi.Chuqur nafas olgancha uchgacha sanadi
Bir...Ikki...Uch ... Qirondalani o'q ovozi tutdi.Mansurning merganligi rost shekilli pastda Nizom oppoq qorni qizil qilganicha jonsiz yotardi.
Mansurning peshonasidan sovuq ter oqdi,chuqur ux tortgancha yerga cho'kkalab qoldi.
-Ana endi menga qilgan razilliging uchun javob berasan,o'liging bo'rilarga yem bo'lsin murtad deb o'ziga. O'zi zaxarxanda xiringlab o'rnidan turdi.Hademay qon isiga bir gala bo'rilar bu yerni bosishi aniq och bo'rini hech nima to'xtatolmaydi hatto miltiq ham.
Mansur qilgan ishidan pushaymon emasdi.Balki kelajakda Nargizani qanday qilib qo'lga kiritishni o'ylardi.O'zicha yana Nargiza bilan shirin orzularni ko'zlayotgan Mansur qattiq og'riqdan baqirib yubordi.
Mansurning chap oyog'i qopqonga tushib qolgandi..
-Padaringa lanat kim so'qmoqqa qopon qoydikina ex aaaaay enaaaa.
Mansur oyog'ini amallab qopqondan chiqarib oldi.Lekin endi og'riq va jarohatdan cho'loqlanib sudralib ketardi.
Shu payt  qayerdandir osmonda paydo bo'lgan qarg'alar boshi uzra aylanib qichqira boshlashdi
-Sotqin laychalarey bo'rilar yaqinmi deymana deb Mansur tezro yurishga harakat qildi.Lekin juda ham sekin ketib borardi baribir.Shu payt qulog'iga irillagan ovoz keldi.Mansur shart  ortga o'girilib miltiqni yelkasidan oldi.O'n qadamcha narida ikki baxaybat bo'ri unga qarab yalong'och tishlarini qayrab turardi.
Ikta o'qim bor ikkisin qulatsam qolganlari qo'rqqanida kelmas deb bo'rilarni nishonga ola boshladi,U ishiga shunday berildiki ortidan yaqinlashayotgan uchinchi bo'rini payqamadi ham...
Jildirsoyda daxshatli habar tarqaldi,nima emish Nizom bilan Mansur Qiron dalada bo'ri ovlayman deb halok bo'libdi ulardan faqat ustihon qolibdi halos..
Darhaqiqat ularni hatto yaqinlari ham ajrata olishmadi sababi aytganimizdek bo'rilardan ustixon qolgandi xalos.
Faqat miltiqlariga qarab kim Mansur kim Nizom ekanligini chamalab dafn qilishdi.
Qirondalada ro'y bergan jinoyat qor tagiga ko'milgancha qolaverdi...
Jildirsoyga qish qattiq keldi..