SheRKhaN [Off] (15.05.2018 / 01:45)
- Дадаси, мени ёқтирасизми ?
— Ҳа, албатта. Биласанми , баъзида қилган
ишинг учун жуда-жуда яхши кўриб кетаман.
— Наҳотки ?! Қайси маҳалда ?
— Ўзинг топиб кўрчи !
— Ҳм , янги кўйлак кийганимдами ? — Йўқ .
— Балки, чиройли пардоз-андоз қилиб , сизни
кутиб олганимдадир.
— Йўқ .
— Ҳа бўлди топдим , мазали таом тайёрлаб ,
олдингизга олиб келганимда . — Унда ҳам эмас .
— Ие , унда қачон экан , ҳа-я эсим қурсин ,
менимча болаларимизга тарбия
бераётганимни , улар билан дарс
тайёрлаётганимни , уст-бошларини ювиб
тараб мактабга жўнатаётганимни кўриб , мени яхши кўриб кетасиз , шундайми ?
— Йўқ , ундай эмас, булар учун ҳам сендан
миннатдорман албатта , балки ўзинг
сезмасдирсан , лекин яна бир жиҳатинг борки ,
мен уни кўриб туриб , сендан хурсанд бўлиб
кетаман , сенга уйланганимга ва сени менга рўпара қилган Аллоҳга шукроналар
келтираман .
— Ростанми ?!
— Рост !
— Унда ўзингиз айтингчи, қайси жиҳатим экан
ўша сизга мени қаттиқ севдирадиган ?
— Онамга қилаётган муомаланг, онамга бўлган
меҳринг ва у кишини кўнглини олишларинг.