Tasodifiy hikoya: Gumon (Mackdan tanlov uchun maxsus)
Mahalla qo'mitasi raisidan eshitdiganini eshidgan Ozod xotinini oldiga solib raisning oldidan eshikn...davomi

Ноқобил фарзанд! (Опа номидан укасига)

Добавил:	Maknuna (15.08.2018 / 16:32)
Рейтинг:	(0)
Прочтений:	7532
Комментарии:	Комментарии закрыты

Ўғил бўлиб ҳеч Онангни ўйлайсанми?
Фарзандисан-соғинганин билмайсанми?
Кутар бўлса йўлларингга кўзин тикиб,
Хеч йўқ ойда аҳволини сўрмайсанми?
Ўғил укам бўлди дея суюнгандим,
Андуҳ ютсанг опанг бўлиб куюнгандим,
Ота-Онам таянчи бор-армон йўқ деб,
Жигаргинам фақат сенга суянгандим.
Нечун бир бор англолмайсан Онам холин,
Ўзга юртда унутдингми?Онанг борин.
Севиб қолиб тош юракли паризодни,
Қулоғинг берк,тингламайсан Онам зорин.
Тақдирингни ўйлайман-у дилим вайрон,
Гап ўргатсам,ойимчангни тили бийрон.
Онанг қолиб,хотинчангни деяр бўлсанг,
Ука сени ким деб атай ақлим хайрон.
Эркакман деб юрибсанда кўкрак кериб,
Топганингни икки қўллаб ёрга бериб.
Таннозойни ўз онангдан қўйиб устун,
Қул бўлдингми ишвасига ёғдай эриб.
Онам сени туғмаганку азоб учун,
Суянчиқ бўл хеч бўлмаса савоб учун,
Йиллар ўтди яшар дийдор илинжида,
Кеч бўлмасдан бир келиб кўр тавоб учун.
Онам йиғлар:-дийдорини кўрсам қани?
Хар лахзада сўраб қўяр соғми тани.
Гар ноқобил бўлар бўлса дилбандлари,
Тилка-пора бўлар қалби хар онани.
Фақат ўзинг ўйлайверма юриб сармас,
Йўқми сенда келажак чун орзу-хавас.
Оқибатли бўл жигарим қалбинг тинглаб.
Ота-Онам ёнида бўл сўнгги нафас.
Хаёт кутмас укажоним ортингга боқ,
Қуш бўлгин-у Ватан томон қанотинг қоқ.
Ота-Она бу дунёда меҳмонимиз,
Кеч бўлмасдан қайтиб,меҳринг гулханин ёқ!!!
Ғаниматдир хар онимиз,эхх укажон,
Майли мендан кўнглинг қолсин,бўлсам ёмон.
Айтсам тилим,гар айтмасам дилим куйди,
Магар қайтсанг юрагингда қолмас армон!!