Tasodifiy hikoya: Chimildiqdagi fojea 3 (muallif:kamolov)
Nasiba qo'rqib qo'rqib u aytgan joyga keldi. Sardor uni ko'rip sevinib ketdi. bu ularni birinchi tun...davomi

Xotinini rashk qilib, o‘z oshnasini pichoqlab qo‘ygan namanganlik “Otello” 19 yilga qamaldi

Добавил:	StarSARDOR (10.08.2014 / 12:21)
Рейтинг:	(0)
Прочтений:	11101
Комментарии:	2

"Pravda Vostoka” yozishicha, Namanganda Avazbek A. uyiga oshnalarini chaqirib, ziyofat uyushtirdi. Shirakayf bo‘lib qolgach, u ulfatlariga xotini Feruza bilan janjallashib qolganini aytib, u haqda noliy boshladi. Mehmonlardan biri, Feruzaning sobiq qo‘shnisi Ilyos Avazbekning gaplariga e’tiroz bildirib, ayolni maqtay ketdi va "U juda yaxshi ayol, uni butun oilamiz bilan yaxshi ko‘ramiz”, — dedi.
Bu gaplar Avazbekka yoqmadi. U bu mavzuni o‘zi ko‘targan bo‘lsa-da, hech kimdan uning oilaviy ishlariga aralashmaslikni so‘radi. Mojaro kelib chiqishini sezgan oshnalar Ilyosni olib, uy-uylariga tarqaldi. Biroq Ilyos ortga qaytib, anglashilmovchilikka barham bermoqchi bo‘ldi. Uy xo‘jayini uni yaxshi kutib olmadi: Avazbek oshpichoq bilan Ilyosning avval qornidan yaraladi, so‘ng orqa tomonidan ikkinchi zarbani berdi.
Yaralangan Ilyos hovlida yotib, odamlarni yordamga chaqira boshladi. Baqir-chaqirni eshitib, qo‘shnilar chiqishdi va qonga belanib yotgan kishini ko‘rib, vahimaga tushishdi. Ular yordamga shoshilishdi, biroq rashkchi Avazbek qo‘shnilariga pichoq bilan tahdid qilib, yaradorning yoniga yo‘latmadi. Uni qurolsizlantirishga muvaffq bo‘lishdi, bu jarayonda yana ikki kishi jarohat oldi. Ilyosni shifoxonaga yetkazishdi, biroq afsuski, u o‘sha yerda vafot etdi.
Qilgan jinoyati uchun Avazbek A. viloyat sudi tomonidan 19 yil muddatga ozodlikdan mahrum etildi.

Муаллиф: StarSARDOR (САРДОР АБДРАИМОВ).