Tasodifiy hikoya: Xato 2
Dilorom yig'lab meni aldadingiz nega unda sevaman didis? Maxmud bow kelmay - Hammasiga men aybdorman...davomi

*** Tanlov uchun 3-yakunlovchi qism

Добавил:	Nur_19 (12.11.2015 / 06:03)
Рейтинг:	(0)
Прочтений:	11031
Комментарии:	Комментарии закрыты

Murod ertasi kuni boshi og'riqdan yorilar darajada uyg'ondi. Kecha nimalar bo'lganini eslashga urindi. Ming urinsada natija bo'lmadi. Soatga qaradi o'qishga borishi esiga tushib shoshib kiyindi, vannaxonaga yuvinish uchun kirib, oynaga qaradi-yu yuragi orqaga tordi. Qovoqlari shishib ketgani kamdek o'ng yuzida tirnoq izlari ham bor edi. Qayerdan keldi bu izlar eslay olmadi. Oshxonaga kirib dadasi bilan oyisiga salom berib nonushta qilish uchun stolga yaqinlashdi. Nazira opa choy uzatar ekan o'g'lining yuziga ko'zi tushib:
-vooy o'lmasam Murod yuzinga nima qildi,-so'radi
Murod kalovlanib javob berishga taraddudlandi shunda Umid aka:
-xavotir olma onasi, kecha tog'da mushuk tirnab olibdi. Yana xonakiyam emas yovvoyi mushuk ekanda,-deb o'g'liga ma'noli ko'z tashab qo'ydi. Murod bu gapdan qizarib ketdi.Piyoladagi choyini ichdi-yu kechikayotganini baxona qilib uydan otilib chiqib ketdi.
O'qishga bordi. Kursdoshlari bilan salomlashib ulgurmay qo'ng'iroq chalinib o'qituvchi kirib keldi. Dars yarmida Azim Muroddan telefonida bluetoothni yoqishini so'radi. Murod yoqdi. Azim kecha ayni "avji"da olgan rasmlarini o'tkazib berdi va Murodga ko'zini qisib ma'noli tirjaydi...
Murod kelgan faylarni hafsalasiz ochib ko'rarkan birdan oyoq-qo'li qaltirab, boshiga og'riq kirdi. Rasmlarda u va bir qiz bilan yarim yalong'och holda qilgan ishi tasvirlangan lekin qizning yuzi aniq ko'rinmasada joni azobdaligi bilinib turardi. 3-rasm mana Murodni yuziga nima qilgan ekan demak "o'sha qiz" tirnagan ekanda... Qiziq bu qiz kim, Murod qayerda, bu voqealar qanday yuz berdi shuncha o'ylasada oxiriga yetolmadi. Faqat qiz uni yuziga chang solganda oppoq bilagida, tirsagining sal pasidagi kapalakka o'xshash anormiyey yoki xol Murodni e'tiborini tortdi... Atrof qorong'uligida rasmga olinganda telefonni avtomatik yonadigan chirog'i yorug'ida ayniqsa oppoq bilagidagi xol aniq va tiniq ko'rinardi...
Dars tugashini intiq kutdi Azimni chekkaga sudrab kecha nima bo'lganini so'radi. Bo'lgan voqeani eshitib xushi boshidan uchdi: "Bechora qiz axvoli nima bo'ldi ekan.." Shu kundan Murod butkul o'zgardi. Avvaldan kamgap, vazmin bo'lsa endi yanada jiddiylashdi. Bor alamini o'qishdan oldi. 3-4 -kursda biror tug'ilgan kun, xatto bitiruv diplom ziyofatiga ham bormadi. O'qishni tamomlagach dadasining maslahati bilan dadasining yoniga kirib ish boshladi...Murod ish boshlaganing 2-yili yanvar oyida dadasi unga yaqin tanishining qizini Murod qarshi bo'lmasa kelin qilmoqchiligini bildirdi. Muroddan ko'ngil qo'ygani yo'qligini eshitib Umid aka Nazira opa bilan o'sha kuniyoq sovchilikka borib yoshlarni fotixa qilib kelishdi. To'y 25 kundan so'ng deb kelishishdi. Nikohgacha Murod qizni zarurat yuzasidan bor yog'i 3 marta ko'rdi. Unda ham tuzuk gaplashishmadi. Qiz juda uyatchang. Faqat yerga qarab turardi. Nikoh oqshomida Murod yonidagi go'zal rafiqasiga qarab to'ymasada yuragi juda g'ash. O'sha 3-4yil oldingi o'zi haqida Azimdan eshitganlari hayolidan ketmasdi...
To'y tugab kelinni yor-yor sadolari ostida chimildiqqa kuzatishdi. Murod o'ylanib o'tirgan bir pallada yangasini ovozi hayollarini to'zitib yubordi:
-Xoy, Murodjon kelinchak kutib qoldi
Murod chimildiq tomon qadam bosarkan hayolida o'sha qiz "bechora uni ham orzulari bo'lgandir,kelin bo'lib oq ko'ylak kiyishni niyat qilgandir" adog'siz savollar og'ushida chimildiqqa kirib kelganini sezmay ham qoldi. Kelinchak yaltiroq libosda yal-yal yonib salom qilar ekan Murodni yuragi o'ynab ketdi. Asta kelinchakka yaqinlashib yuzini to'sib turgan sarisini oldi. Sutga chayilgandek yuzlari oppoq, tiniq. Qosh kipriklari tim qora, lablari esa unga atirgul g'unchlarini eslatdi. Kelinchak avvalgi uchrashuvlaridagi kabi hamon ko'zlarini yerdan uzmas, yanoqlarini esa ko'zyoshlari yuvardi. Murod uning bu holatini qo'rquvga yo'yib:
-siz ham men ham to'y yugur-yugurlari bilan charchaganmiz bugun dam olamiz,-dedi.Kelinchak itoatkorona bosh egdi...

***
Mehmonlar ketgach, vaqt allamahal bo'lishiga qaramay Umid aka qudasiga qo'ng'iroq qildi:
- alo
-alo Rustamjon, bezovta qilmadimmi?
-yo'q, yo'q Umid aka bemalol. Hozirgina ayolim bilan to'y haqida gaplashib turgandim. Bu ahvolimda borolmadim uzr...
-nimalar deyapsiz, Rustamjon hijolat bo'lmang hali oyoqqa turib ko'rmagandek bo'lib ketasiz.
-xaaa, Xudo xohlasa. Umid aka yaxshiyam siz bor ekansiz. Agar siz kelib meni o'shanda mashinadan tortib olmaganingizda men tirik qolmasdim..
-bu gaplarni qo'ying Rustamjon, men kim bo'lsa ham shu ishni qilardim..
-to'g'ri-kuya lekin bir begona uchun shuncha yaxshilik...
-begona demang, mana endi quda bo'ldik. Xudo xohlasa kelasi yili nevaraga beshik to'ylar, sunnat to'ylar qilamiz.
Ikki quda hayrli tun tilab samimiy hayrlashdilar.

***
Murod kiyimlarini almashtirib, yuz-qo'llarini yuvib chimildiqqa qayta kirganda kelinchak uxlab yotardi. Murod uning yuziga termularkan yonoqlaridagi yosh izlari va kiprigida hali qotmagan yosh tomchilarini ko'rib "bechora erka o'sgan ekanda ayrilliqqa hozirdan chidolmayapti" deb qo'ydi. Va yana vijdoni qiynalib "o'sha qiz"ni esladi. Chuqur uff tortib derazadan tashqariga tikildi. Shu payt kelinchak uyqu ichida oh tortib o'ng yonboshiga ag'darildi. Egnidagi oppoq, to'rli tungi ko'ylagining keng yenglari turilib oppoq bilaklari ochilib ko'rinib qoldi. Murod rafiqasi tomonga o'grilib qaradi-yu shosh pisha telefonini tita boshladi... izlagan narsasini topdi va tok urgandek sapchib tushdi... telefon ekrandagi rasmda tasvirlangan xol va rafiqasining bilagidagi kapalaksifat xol ikki tomchi suvdek bir xil edi...

Tamom

Hikoyamdagi voqealar to'qima. Hech qanday reallikka asoslanmagan. Sizlarga oz bo'lsada yoqqan bo'lsa hursandman. Hammangizga sog'liq, oilangizga xotirjamlik tilab qoluvchi Nur_19
(Nur_17)