Tasodifiy hikoya: латифа
Журналистка фермердан сигирларни кутуриб кетиш сабабларини скрипнула. Фермер журналисткага караб ту...davomi

ocha olmas edi. Chiroqni yo`nalishini o`zgartirishdi shekili sal ko`zini ochdi. Qayerdaligini idrok qila olmas, tor, zax xona stolni u o`tirgan tarafi o`ta darajada yoritilgan narigi tarafida esa nim qorong`uligi uchun ko`rinmas edi. Birdan g’alati ovoz keldi
- qahramonimiz ko`z ochdilar, yengil kulgu sezildi, - Ha yigit o`zinga keldingmi?
Qo`lini qimirlatmoqchi edi boylab qo`yilganini sezdi. Nima bilan boylashganini bila olmadi. Shunday bo`lsada sir boy bermay o`zini tutishga urinar. Bularga egilmaslik, past ketmaslik, tilga ehtiyot bo`lish kerakligini o`ylardi.
- man Qahramon emasman.
- Haaa Po`latjon. JonPo`lat
- Ha
- O`zingcha unga o`xshab qahramon bo`lmoqchisanku e so`tak
Bazi belgilardan uni taxminan 3 kishi so`roq qilayotganini bilib oldi. Po`lat g`ashi kelganini sezdirish uchun chap qoshini hiyol tepaga ko`tarib javob berdi.
- u nari borsa 6 yildan beri Polatdir. Man 19 yildan beri JonPo`latman. U manga o`xshasin.
- O`o`o`o` bu gapin manga yoqdi., shunday deya sigaret tutatdi notanish kimsa. - Endi javob ber qayerga ketayotgandi JonPo`lat?
- Magazinga nonga chiqgandim., - istehzoli tirjaydi.
- Yaxshi. Nima Farg`onada non defitsitmidiki 100 km joygacha non izlab kepsan?
- Nimaga sizlarga javob berishim kerak? Kimsizlar?
- Tergovchi.
- Qani hujjat? Guvohnomalaringni ko`rsatinglar
- Sani bu yerda turishingni o`zi hujjat. Savol berayotganimiz hujjat
- Qonunga ko`ra advokatim huzurida so`roq qilishlaring kerak. O`zlaringni tanishtirishlaring kerak…
- Man qonunman. Bu yerda man savol beraman. Agar javob bermasen advokat tugul arxeologlar ham sani topalmedi. E mishiqi.
- Ustingizdan tegishli joylarga arz qilinadi. Hali mani qidirish harakatiga ham tushib qolishadi. Ana o`shanda yaxshilik kutmelar.
- Sani qidirishmedi. Sani moshinen halokatga uchrab o`lgansan. majaqlanib ketgansan. Bugun sani ko`mishyapti. Agar ovozini o`chirmasen, aqllilik qilaversen rostanam ko`mib qo`yamiz. Oila azolaringga ham yomon bo`ladi.
Demak davom etamiz…
- Malaysiaga nega borganding?
- Sayohatga…
- Yangi kuyov? Kelinni ovoganinda iwonardim asal oyiga ketishipti db
- Pulim yetmadi, - g`alati iljaydi Po`lat
- Hali buni aniqlemiz. Hozircha esa U yerda xalqaro terrorchilar bilan uchrashgan deb protokolga yozib qo`yamiz
- Man bunaqa demadim
- Jenevaga nega ketyapsan?
- Ishxonamdan otpuskaga chiqqanim uchun dunyo bo`ylab sayohatga chiqqandim. Yevropaga ham borib aylanib kelmoqchi edim
- Buni aniqlemiz. Hozircha esa teraktlar uyushtirish uchun deb yozib turamiz.

JonPo`lat asabiylasha boshladi. Lekin buni sezdirmaslikka urinardi. Agar bilib qolishsa bularning g’alabasi edi, yanada siquvga olishardi. So`roq qilayotganlar tinimsiz biri olib biri qo`yib sigaret chekishardi. Xonani tamaki hidi tutib ketgan. Huddi tumandek qalin tutun suzib yurardi.
Davom etamiz…

- demak, sani bo`yninga bemalol 159 ni ilsek bo`laveradi.

Po`lat sir boy bermaslikka urinardi. Asta kulib javob berdi

- o`lgan odamgaya? Jenevada jinoyat kodeksida 159-modda mamlakatda senzura taqiqlanishi haqida.
Endi tergovchilar asabiylasha boshlashdi. Bu ahmoqlar Shveytsariya qonunlari haqida nimani ham bilishardi? Ular hatto o`zimizning qonunlarni ham mukammal bilmaydigan ongsiz mavjudot edilar. Vazifalari faqat aybni bo`yniga ilish edi.
- xohlasek tiriltirip ham olamiz. Agar kerak bo`lsang

Tergov 3 kecha-kunduz tinimsiz davom etardi. Tergovchilar almashib turar, Po`latjonga esa uyqu, dam bermay siquvga olishardi. Nihoyat 3-kunda Po`latjonning irodasi tugab charchoq ustunlik qilib ko`ziga projector yoqilganiga ham qaramay yo uyquga ketdi yo hushidan. Ustidan bir chelak suv sepib o`ziga keltirishdida so`roqni davom ettirisha boshlashdi. Muttasil bedorlikdan burnidan qon keta boshladi. Qo`pollik bilan paxta tiqib qo`yib davom ettirishardi. Lekin Po`lat ularni har savolda mag’lub qilar, xato qilmaslikka urinar bu esa tergovchilarni qattiq asabiylashtirib quturtirib yuborardi. Eng qizig’I JonPo`lat ularning nima xohlashayotganiga unchalik tushunmas edi.
- san uyushgan jinoiy guruh tuzib kimlarga tahdid qilgan edin
- agar eson-omon chiqib ketsam, san aytgancha bo`laqolsin. Shunday guruh tuzib birinchi bo`lib sanga tahdid qilaman…
Shu gap ortiqcha bo`ldi. Tumshug`iga tushgan mushtdan shundoq ham boshqa darmoni qolmagan Po`lat yerga uchib tushdi…
Ko`zini ochganda tor, zax va qorong’u holatda betonda bukchayib yotardi. Hech narsani idrok qila olmas edi…
Qancha yotdi bilmaydi
Eshik ochilib bir tutam nur tushdi va ovoz keldi.
-Po`lat Abdullayev chiqing ozodsiz.
Bu so`zlar tushidami yo o`ngida? Buni anglaydigan ahvolda emasdi… yana o`zidan ketdi.
O`ziga kelganda qandaydir yo`l chekkasida yotardi. Qorong’u, nazarida yarim tun edi. Amallab o`rnidan turdi. Katta yo`lga chiqdi. Farg`ona ko`chasiga o`xshar, lekin aynan qayerda ekanligini bilmasdi. Mashinalar unga to`xtamas. Dabdala kiyimi, abjag`I chiqqan basharasidan uni alkash deb o`ylashayotgan bo`lsa ajab emas. Ilojsiz tarzda bir taksini yo`liga tikka chiqib bordi. O`rta yoshlardagi kishi arang to`xtatib, tushib o`dag`aylay boshladi… Po`lat unga manziliga olib borib qo`ysa katta pul vada qilib ko`ndirdi. Mashina hovlisiga to`xtagan vaqtda tong yorisha boshlagan, mahalladagi xo`rozlar qichqira boshlagan. Hamma sahargi shirin uyquda edi. Toki Po`lat sudralib darvoza oldiga borguncha eshik ochilib do`ppi kiygan jiyanlari stullarni ko`tarib chiqa boshlashdi. Bir ahvolda turgan akalarini ko`rib bir zum qotib turishdida xolaaaaa deb uyga otilishdi. Yigit bularni idrok qila olmas, ongsiz tarzda ichkariga qadam bosar edi. Birdan qiy-chuv hamma yugurgilab chiqib uni o`rab olishgan onasi esa quchoqlab yum-yum ko`z yosh to`kardi. Hech kimni hayoliga taksist kelmasdi. Sodir bo`layotgan voqealarni tushunmasada bu oilaga katta quvonch hadya etganini tushunib indamasdan gazni bosib yo`liga ravona bo`lib ketdi.
Po’latning dadasi mashinani shoshilinch yurgazdida o`g`lini ko`targanicha oldi o`rindiqqa joyladi. Hamma shok holatda edi. Kechagina ko`mib kelishgan o`g`illari bugun sog` salomat bo`lmasada oldilarida tirik turar edi. Yo`lda o`ziga sal kelgan Po`lat dadasiga asta pichirladi:
- manavi (mashinada osilib turgan oy va yulduz shaklidagi bo`rtiq tumorchaga ishora qildi) fleshka. Jenevaga yetkazing…
Shunday deya yana ozidan ketdi
Dadasini ko`zidan duv etib yosh dumaladi. O`g`lini boshini silab:
- Barakalla sultonim. Pahlavonim. Boringga shukur. Faqat o`lma, o`lib qolma…

Davomi bor…