Tasodifiy hikoya: "Paralel Dunyo" 2016 by Twipz yoki Skrillex. Tanlov uchun.
UzbXXX.com va Skrillex XXI asr films taqdim etadi. Rollarda: Qayumov, weka7777 (smd), Lyubimcheek,...davomi

öziga yarashadigan, yurishlari ham özgacha qiz edi. Uni Emmadan farqi shunda ediki, uning qomati biroz dömboqroq va kökraklari Emmanikidan kattaroq edi. Sonlari biroz yög'onroq va terisi töqroq edi. Uning sochlari, qoshlari, közlari qora tusda edi. Ba'zida labiga ham qora pomada surib olardi. Hozir esa, qizil lab böyog'ini, g'uncha lablarida uyg'unlashtirib, husniga husn qöshadigan uzun sochlarini, tepaga yig'ishtirib kelardi. Uning ortidan, qölida skeyt ushlagan Stiv körindi. Stiv böyi novcha, Benga qaraganda ozg'inroq, sochlari sariq yigit edi. Uni ham yuz tuzilishi istarali bölgani uchun, qizlarning yoqimtoyiga aylanib bölgandi. Uning bir yaxshi odati bor edi. U doim kulib yurardi. Shu odati bilan, hayotidagi bir muncha tashvishlarini unutishga harakat qilardi. U suvga yaqin keldiyu, oq doskasi ustiga ötirdi.
-Tomosha qiling!
U shunday deb, tög'ri tölqinlar kelayotgan tarafga suzib ketdi. Besh daqiqa ötmasdan, tölqinlar orasiga g'arq bölib ketdi. Hamma jim. Uch döst ösha tarafdan köz uzishmasdi. Shu payt intizor közlar uchun, bir katta tölqin tagida Stiv paydo böldi. U doskasi ustida, qöllarini keng yoygan holda suzib kelardi. Oyoqlari yelkalari kengligidan biroz kattaroq, gohida tezlik bilan oyoqlar joylashuvi özgarar edi. U hech qanday tirgaksiz, hech qanday ortiqcha narsalarsiz, burama tölqin orasida kelar edi. Tik holatida tölqinni jilovlab, u bilan birgalikda ajoyib harakatlar qilar edi. Sohilga yaqin kelib, doskasiga yotib oldi va yana ösha tölqinlar tomon suzib ketdi.
-Anavini qaranglar!
Endi esa boshqa joylarda ham, tölqin "ovchi"lari köpayishgandi. Yarim soat ichida tölqinli dengiz, "surfing" ustalari qarorgohiga aylandi. Stiv esa, döstlari yoniga qaytib keldi.
-Qoyil qilding Stiv! -Ben uning yelkasiga turtib qöydi.
-Zör, zör. Maza qilib tomosha qildik! Ancha örganibsan, qoyil!
-Endi esa tushlikga navbat! -Keytning bu gapi hammaga yoqqanday, birin-ketin katejga qarab yöl olishdi.
-Hoy, töxtanglar! Endi "dayving"(diving) vaqti boshlandiku! Men tushishim kerak! Rasm buyurtirganman!
-Men qörqaman! -dedi Keyt keskinlik bilan.
-Balki tushlikdan söng, ikkimiz tusharmiz Stiv?!
-Yöq Ben, yur hozir tushamiz!
Stivning qaysarligiga bas kelolmay, uning orqasidan ergasha boshladi. Ular katejdan dayving uchun maxsus moslamalar kiyib, uskunalarni tög'irlab olishdi.
-Qarachi, kislorodi töla ekanmi?
-Ha!
-Unda kettik!
Katejdan sohilga chiqib, maxsus joyga borishdi. Ular maxsus joydan suvga sakrab, tagiga shöng'ib ketishdi. Novcha va ozg'in bölganligi uchun, Stiv Bendan tezlashib ketdi. U suv tubidagi, marjonqoyalar röparasiga bordi. Juda ham chiroyli manzara hosil qiluvchi marjonqoyalar röparasida, suratga olish joyi mavjud bölib, bu joy dayvingga tushgan odamlarni suratga olish uchun möljallangandi. Stiv suratga tushayotgan vaqtda, Ben yaltiroq dengiz ötlariga qiziqib, yanada tubroqqa tushib ketdi. Marjonqoyalar orasidagi yaltiroq ötdan yulib kördi. Ajoyib ötlar! U marjonqoyalardan birini aylanib öttiyu, yana qandaydir narsaga közi tushdi. Bu endi öt yoki gul emas, jigarrang quti edi. Yana biroz pastlashi kerakligini fahmlab, qoyalarga suyanib tushishga harakat qildi. Biroz tor joy bölgani uchun, bu oson bölmadi. Bir amallab, qöli qutining bir burchagiga yetdi. Jimjilog'ida uning burchagidan itargandi, quti aylanib, teparoqqa kötarildi. Uni osonlik bilan ushlab olib, orqaga qaytdi. Stiv esa, yonida Benning yöqligi, u bilan ham rasmga tushishi kerakligi esiga tushib, uni qidira boshladi. Söng, pastdan qölida quti bilan chiqayotgan Benni körib, yoniga shoshdi. Yoniga borib, qutini körsatib, boshini qimirlatdi. "Nima bu?" demoqchiligini tushungan Ben, unga qarab yelka qisib qöydi. Suratga tushishni ham esdan chiqarib, shoshgancha yuqorilab ketishdi. Quruqlikka chiqib olib, kislorod beruvchi niqob va boshqalarni yechib tashlashdi.
-Bu nima ekan Ben? -qiziqqonlik bilan söradi.
-Bilmayman! Qandaydir quti.
U qutini dengiz ötlaridan tozalarkan, ikki qölida qattiq ushlab, silkitib kördi.
-Judayam yengil. Ichida qandaydir narsalar shiqirlayabdi.
-Ovozidan toshga öxshatdim.
-Ha, menimcha ham shunday.
-Ochib körchi!
-Ochilmayapti.
-Yur, katejga boraylik, ösha yerda hal qilamiz!
-Yaxshi!
Ular katejga kelib, kiyimlarni almashtirib olishdi.
Stul ustida turgan jigarrang quti, Keytning e'tiborini jalb qildi. U qutini olib, bir ikki silkitib kördi.
-Mana bu qanday quti Stiiiv? -u balandroq ovozda, Stiv kirib ketgan xona tarafga gapirdi.
-Bilmaymiz. Suv tagidan topdik! -ustida oq mayka bilan, Ben chiqib qoldi.
-Ochib köraylik!
-Yaxshi!
Ben qutini qöliga olib, dastlab bir-ikki aylantirib kördi. Quti körinishidan, shaxmat qutisidek, ikki tarafga ochilishi bilinib turardi. Örtadan ajratuvchi yoriq chizig'i va ortida ochilishi uchun oshiq-moshig'i mavjud edi. Ammo Ben nechog'lik urunmasin, bu qutini ocha olmadi. Hayolida oddiy deb hisoblagan qutiga tan berdida, uni Emmaga uzatdi. Emma ham qutini ochishga bir urindiyu, bu shashtidan qaytdi.
-Qöyinglar shu matohni, ovqat tayyorku axir!
-Qani hamma dasturxonga! -deb, Stiv chiqib kelib qoldi.
Tört döst dasturxon atrofiga yig'ilishdi. Maroqli suhbat ila, mazali taomlardan tanovul qila boshlashdi. Oshqozon g'ami bartaraf bölgach, emma boyagi qutini yana qöliga oldi. U qutida nimanidir topganday, sinchiklab tekshira boshladi.
-Ben qara! Topdim!
-Nimani topding?
-Yozuv. Qandaydir eskicha, bosma yozuv.
-Öqichi!
-Hozir. -u qöliga qandaydir kichik mato olib, qutining yozuvi bor joyini arta boshladi. -Hösh, mana eshiting!:
"O'YINNING MURAKKAB SHARTLARIN BAJARASAN, GAR MARRAGA YETIB KELSANG BAXTINGGA ERISHASAN"
"O'YIN HAQIDA MA'LUMOT: O'YINNI KAMIDA TO'RT KISHI O'YNASHI MUMKIN! QUTI HAM, FAQATGINA YETARLI O'YINCHILAR YIG'ILGANIDA OCHILADI. O'YIN TOSHLAR ORQALI O'YNALADI. TOSHLAR IRG'ITILGANDA, ULAR QUTI ICHIGA TUSHISHI SHART! O'YIN, MARRAGA YETILMAGUNCHA TUGAMAYDI"
"TAQIQLANADI:
BIR ODAM KETMA-KET TOSH OTISHI,
BERILGAN SHARTNI OXIRIGACHA BAJARMASLIK,
G'IRROMLIK"...
Emma aytganlarini eshitishdiyu, hayrat bilan unga boqib turishdi. Emma ham, nima deganiga tushunmay, qutiga qayta köz yugurtirdi. Yöq, u tög'ri öqigan edi. U yana öziga boqib turgan uch juft közga qaradi.
-Nimaa? Men yozilganini öqidim holos.
-Öqiganlaring tög'ri bölsa, demak quti endi ochiladi.
-Nega?
-Chunki boya, Stiv oramizda yöq edi, uchta edik! -Ben ishonch bilan Emmaga gapirardi, Emma esa kiprik pirpiratib uni eshitar edi.
-Bu oddiy qutiku! Qaysidur bekorchining öylab topgan uydurmasi! -Keyt shunday deb, suhbatga bahs-munozara olib kirgizdi.
-Qandaydir bekorchi, suvda chökadigan quti öylab topolmaydi. Quti bösh bölishiga qaramay, u suv tubida chökib yotardi. Öz közim bilan kördim. Bu yerda nimadur borligi aniq.
-Balkii, ochib körarmiz!
Stiv huddi eng zör taklifni bergandek, hamma unga qarab qoldi. Emma esa ikkilanmasdan, qutini 7tivga uzatdi:
-Mana! Özing ochaver!
Stiv beparvolik bilan, qutini aylantirib közdan kechirdi. Söngra, boya Ben ochish uchun urungan joyidan qattiqroq tortdi. Quti ochildi! Boya ming bir azob bilan ochilmagan