Tasodifiy hikoya: "BeK" dan "SIRLI TAXLIKA"- (sirli sarguzasht detektiv) 2-qism
O'zgan va Damir birgalikda xammadan tawqari aloxida usha kundan beri qizni qidirishardi. Jamoadagi ...davomi

ikkisining ham ichida iblis o`y-hayollar qozonini aylantirib, bir-biridan razil hayollarni qozon yuzasiga chiqarmoqda edi.
-Tinchlikmi Jamshid?
Og`zidagi sigaretdan chuqur tortgancha Baxtiyor ulfatiga so`z qotdi.
-Tinchlik. Sigaretdan uzatingchi?
-Mana hozir -degancha cho`ntagiga qo`l yugurtirgan Baxtiyorning biqiniga Jamshid tomonidan o`tkir tig`li bir narsa kelib urildi. Ziyrak, hamma narsani hisobga olguvchi Baxtiyorning nazaridan qolib ketgan bu o`tkir tig`, Jamshidning doimo yonida olib yuruvchi, qo`ndog`i qayriladigan pichoqchasi edi. Pichoqcha biqindan sug`urilib yana bir-ikki qayta biqinga urildi. Baxtiyor sassiz ingragancha yerga quladi. Chalajon bo`lib yerda yotgan Baxtiyorni Jamshid yelkalaridan ko`targancha sudrab mashina yoniga olib bordi. Cho`ntagidagi mashina pultini olib mashinani ochdi va keysni oldi. Uni ochishga urundi, buni eplolmadi. Ko`zlari boylikni qo`lga kiritish ilinjida qonga to`lgan Jamshid pichoqchasini Baxtiyorning tomog`iga tirab unga dag`dag`a qildi.
-Parol... Aytmasang joning ketadi.
-Aytsam ham baribir olasan (Baxtiyorning ovozi xirillab chiqdi). Mayli bitta shartim bor shuni qilsang parolni aytaman.
-Xo`sh...
-Mashinamga chiqarib qo`ysang va menga tegmasliging haqida ont ichsang, aytaman.
Jamshid uni mashinaning old o`rindig`i ro`l joylashgan tomoniga o`tirg`izayotgan vaqt "paq" etgan o`q ovozi yangradi. Baland qo`yilgan musiqa ovozi o`q otilgandagi chiqqan ovozni bosib ketib, hech kimning ahamiyatini tortmadi bu otilgan o`q. Makarov pistoletidan otilgan o`q Jamshidning ko`ksini teshib mashina tomiga borib qadaldi. Jamshid bir ingraganicha Baxtiyorning ustiga o`z tana yukini tashlagancha jon berdi. Ustidagi murdaning tanasining tagidan chiqa olmagan Baxtiyor ham ko`p o`tmay ulfatining ortidan narigi dunyoga ketdi. Tashqariga chiqishganlarning hadeb kelaverishmaganidan ichkaridagi jononlar ularning ortidan chiqishdi. Chiqqishdiyu mashina ichidagi ikki ulfat murdasini ko`rishib turgan joylarida yashin urganday dong qotishdi.
Erta tong... Mash`um voqea sodir bo`lgan dachada odam gavjum. Nimagaki odam o`lgan. Hammaning yuzi jiddiy tusda, xursandchilik alomatlari yo`q. Faqatgina iblis o`z niyatiga yetganidan, ikkita jonni, ajalidan oldin o`z oldiga chaqirib olganidan "qah-qah" otib kular edi. Tamom!