Tasodifiy hikoya: Dovon ortidagi sevgim
Tog' tog' bilan emas odam odam bilan uchrashadi deganlari rost ekan.Shu saytda yurib Shoxistam nomli...davomi

Latifalar 1. Qariyadan

Добавил:	Keksa55 (15.09.2016 / 14:07)
Рейтинг:	(1)
Прочтений:	16360
Комментарии:	Комментарии закрыты

Voyaga yetgan yigit ota-onasiga:
—Oyijon, adajon! Bugundan boshlab men o'zim alohida, mustaqil yashayman!
Ota-onasi:
—Juda yaxshi o'g'lim. Seni ulg'ayganingdan xursandmiz, - deyishibdi.
O'g'li esa:
—Mana sizni narsalaringiz, yig'ishtirib qo'ydim, - dermish.
****
Qabriston go'rkovi sport jihozlari do'koniga qo'ng'iroq qilib:
—Allo, bu hafta nechta mototsikl sotdingiz?
—Beshta!
—Demak, yana bittasi qaerdadir sang'ib yuribdi...
****
Yuk tashuvchi Erboboev o'n oltinchi qavatga og'ir qopni olib chiqar ekan, "yomon liftyor" so'ziga yuzta sinonim ayta oldi!
****
Bir mast odam eski chiroq topib olibdi. Ishqalasa, ichidan jin chiqib:
— Tila tilagingni! Uchta tilagingni bajaraman, - debdi.
Mast odam unga:
—Kel yuzta-yuzta olaylik!
— O'ylab ko'r. Bu birinchi tilaging hisobidan ketadi.
— Mayli. Qani oldik.
— Endi ikkinchi tilagingni ayt!
— Yana yuz-yuz quy!
— Hoy inson, yaxshiroq narsa so'rasang-chi?
— Ey, quy degandan keyin, quyda! Qani oldik.
— Balki uchinchi tilagingga biror nima so'rarsan!
— Yana yuzta-yuzta olaylik!
— Sen aqldan ozibsan! Bu oxirgi tilaging.
— Mayli, roziman, - deb ichib yuborishibdi.
Jin chiroqqa qaytib kirib ketibdi-yu, besh daqiqadan keyin qaytib chiqib kelib:
— Mayli, to'rtinchi tilagingni ham tila! Men roziman!, - dermish.
****
Yosh uchuvchi qo'nish maydonchasiga yaqinlasha turib, dispecher bilan hazillshmoqchi bo'libdi. Ratsiyani ko'tarib:
— Allo, kimligimni top-chi?, - desa, dispecher qo'nish maydonidagi hamma chiroqlarni o'chirib qo'yibdi-da:
— Qaerga qo'nishingni top-chi, - dermish.
****
Bir ayol dugonasiga maqtanibdi:
— Men yog'larga qarshi kurash boshladim!
Dugonasi unga qarab turib:
— Juda ko'plarini asir olishga ham ulguribsan.
****
Xotin eriga:
— Azizim, qahvangiz achchiqroq bo'lsinmi?
Eri:
— Ha, gap-so'zing kabi achchiq bo'lsin!
— Voy, umuman suv qo'shmas ekanmanda-a?!
****
— Eh, agar ko'p pulim bo'lganida, samolyot sotib olgan bo'lardim.
— Samolyotni nima qilasan?
— Samolyot kerakmas, unga yetadigan pulim bo'lishini xohlayman!
****
Bo'linma komandiri:
— Kim paxta terimiga boradi?
— Men, - deb safdan chiqibdi ikkita askar.
— Barakalla!, - debdi komandir, — Sizlar men bilan mashinada, qolganlar esa piyoda qadam bos!
****
O'quvchi maktabga kelib ustoziga debdi:
— Ustoz, men endi bu maktabda o'qimayman! Men Amerikaga ketyapman.
— Amerikada nima qilasan?, - so'rabdi ustozi.
— Amerikada yashaydigan bobom maktub yo'lladi. Uni ko'zlari ancha xiralashib qolibdi. Uni fermasi, ikkita yirik korxonasi va o'nta do'koni bor. Men ularni boshqaraman.
— Bobongga ayt, hamma narsalarni sotib, bu yerga ko'chib kelsin. Biz unga g'amxo'rlik qilamiz.
— Nimalar deyapsiz ustoz?! Xatda aniq yozilgan, bobomni ko'zi xiralashgan, aqldan ozmagan!
****
Komandir safdagi askarlarga:
— Orangizda kim dushman tarafga yashirincha borib, hujum rejasini bilib kela oladi?, - debdi.
Safdan bir gruzin askar chiqib:
— Men boraman, - debdi.
— Yaxshi, - debdi komandir, — Biz senga uchta granata va boshingga bitta kaska beramiz.
— Menga aksincha, bitta granata va uchta kaska beraqoling, - deb askar dushman tomonga ketibdi.
Oradan bir soat o'tibdi, ikki soat o'tibdi ... Gruzin askardan xabar yo'q emish. Komandir bitta askarni ortidan jo'natib, — Qarab kel-chi, nima gap ekan, - deb yuboribdi.
Xabar olishga ketgan askar qaytib kelib komandirga:
— Anavi gruzin safdoshimiz dushmanlarni o'rtasiga o'tirib olib, "Top-chi granata qaysi kaskani tagida! Topa olmading. O'rtadagi kaskani tagida ham emas. Yana o'n ming pul va hujum rejasini ber buyoqqa" deb o'ynab o'tiribdi, - dermish.
****
Hammaga omad kulib yahshash hayotni engillashtiradi.