Tasodifiy hikoya: Farrosh
Meni ismiz maxfuza. yowim 36da. Bir firmaning ofisida farrow bo'lib iwleman. Ofisda iwlediganl...davomi

QARSHINGIZDAMAN.. (Lionuz)

Добавил:	LION_UZ (29.04.2017 / 11:58)
Рейтинг:	(0)
Прочтений:	7527
Комментарии:	Комментарии закрыты

Qarshingizdaman...
(Lionuz "Baxtsizlar sayyorasi") turkumdan.

Baribir men yana aytaveraman,
Agar qo'rqqanimda yozmasdim satr.
Xalqim deb xattoki jonim beraman,
"Qo'rquvdagi" tinchlik kimga ham tatir?

Ertadan kechgacha bir xil so'z doim,
Telvizorda hamma hayotni maqtar.
Hech biri deyolmas "shu muddaoim..."
Agar shunday desa ergashar xatar.

Birisi qalamim otdi sindirib,
Birisi she'rlarim yirtdi, quvondi.
Tirnog'im ostidan kirlar qidirib,
Xasad olovida kuldayin yondi,

Biroq bu bosimlar bari besamar,
Barisi befoyda (menimcha shunday)
Ular o'zlarini qo'rquvga qamar,
Shunda tosh yuragim tanqid uchun shay.

Kimdir pand o'qidi "noshukr banda"
Kimdirlar yelkamga qo'ydi qo'lini.
Adolatning qoni jo'sh urdi tanda,
O'shanda tanladim haqning yo'lini.

O'shanda voz kechdim, muhabbatdan ham,
Unutdim dunyoning barcha rohatin.
Vodiydan olislab, ko'zlarimda nam,
Asrab olib qo'ydim, Dildorning xatin. Balki o'tmishda ham yolg'iz bir o'zim,
Kurashib kelganman "adovat" bilan,
Balki "Vatan" bo'lgan eng so'ngi so'zim,
Balki ko'mishgandir "adolat" bilan.

Sizlar istagandek bo'lolmam sira,
Sevdim, o'ldim, kuydim, safsatabozlik.
Hanuz atrof tuman, har taraf xira,
Yiqitsangiz hamki boshim bo'lar tik.

Nari borsa yana chetga otasiz,
Men o'sha qo'rquvman, ichingizdaman.
Nega so'zlar bo'lsam toshdek qotasiz.
Men mardman, ortdamas! QARSHINGIZDAMAN!!!