Tasodifiy hikoya: Hayotimda birinchisi 3-qism
Shunaqa yolgizlik qiyin uka bir ogiz wirin sozga zor bolib qolarkansiz dedi man unga qarab dangal si...davomi

Farida 2 (luka dan tanlovga)

Добавил:	Luka (16.08.2018 / 20:55)
Рейтинг:	(0)
Прочтений:	9025
Комментарии:	Комментарии закрыты

Do'stlikning eng yovuz uch dushmani bor. Shu uch narsa inson hayotini ostin-ustun qilib yuborishi yoki butunlay izdan chiqarib yuborishi mumkin. Do'stlar hayotimizning mazmuni. Parokandalikdan bizni faqatgina do'stlar qutqara oladi. Qiyomat qoyim bo'lganda ota-ona ham o'z farzandidan savoblarini ayar ekan. Shunda faqatgina eng yaqin qiyomatli do'stlargina bizga yordam bera olar ekan. Do'stlikning dushmanlari esa bu pul, mansab va sevgi...
Do'stlar do'stlaringizning qadriga yeting. Zero bu narsalar topiladi biroq 'chin' do'st topilishi mushkuldir...
.
.
.
.
Kamolni qattiq turtib yuborishdi :
- Senga nima bo'layabdi? Bir necha kundan beri hayoling parishon - dedi Jalol qadahni bo'shatar ekan :
- Shurik bunga aytsangchi sal chehrasini ochib o'tirsin. Boyadan beri gapiraman nima deganimni tushungani ham yo'q.
Shuxratni o'zgartirib Shurik deyishar edi. Shurik uni tinglab boyadan beri ovqatdan boshamayotgan jag'larini artar ekan dedi :
- Men buni kasalini bilaman. Bu sevgi kasaliga uchragan.
Kamol unga g'alati qarash qildi. Uning do'stlaridan yashiradigan siri yo'q edi uning ustiga yuz qiyofasidan bu aniq sezilib turardi. Kamol ko'zlarini biroz qisib tabassum qildi.
- Aytmaganmidim? - Shuxrat mag'rurlandi o'zicha.
- Yo'g' - e. Lekin senlarga qoyil qolmadim. Har doimgidek oxiri bo'lib men eshitaman. - dedi arazlangannamo. Afsuski qiziqish ustun keldi va - Kim u? Men taniymanmi? Chiroylikmi? Ismi nima? - deya savollarga ko'mib yubordi. Shunda Kamol chuqur xo'rinish bilan gap boshladi :
- Ha, dunyoda go'zallar ko'p. Ammo u barchasidan ajrab turadi. U huddi malaksiymo! - bu gapni Kamol g'alati bir hayajon bilan aytdiki do'stlari bir varakayiga unga qiziqish bilan boqishdi. Kamol meni gapim ularga yoqayabdi shekilli deb o'ylab to'lqinlanib ketdi va gapida davom etdi :
- Uni ismi Farida. Biz u bilan ilk bor bekatda uchrashib qoldik. Ammo u gapimni eshitmay avtobusga chiqib ketdi. Meni ranjitdi. Men uni rostdan ham sevib qolgan edim. Keyin uni qidirishga tushdim. Taksi to'xtatib avtobus ortidan yurdim. U esa shaxar chetidagi yangi ko'p qavatli uylar bor-ku o'sha yerda tushib qoldi. U uzoqlashgandan so'ng taksidan tushib uni ortidan bordim. Shu tariqa manzilini bilib oldim.
- Meni bir qo'shnim bor edi. Uni ham ismi Farida. U boyib ketgan yoki odamlarga yaxshilik qilishni kanda qilmaydigan odamlarni domlaga o'qitib issiq-sovuq qildirardi. Bir oyog'i go'rda bo'sayam yomonam shum kampir edi - deya Shuxrat o'zi qilgan hazilidan quvonib kula boshladi.
- Senga faqat hazil bo'ldi. - achchiqlandi Kamol. Shunda Jalol :
- Sen yaxshi ish qilmabsan begona qizni kuzatish odobdan emas - dedi jiddiy.
- Axir uni sevib qolgandim-da.
- Davom et - dedi Shuxrat kulimsirab. Kamol biroz hafasirab davom etdi :
- Oradan bir necha kun o'tib uni uyiga bordim va uning tashqariga chiqishini poylab berkinib oldim. U uzoq kutdirmadi. O'qishga ketayotgan ekan. Uzoq gaplashdik. Va o'sha yerda unga sevgi izhori qildim. Lekin unda tayinli javob ola olmadim.
- Seni sevmas ekan-da. Nima qilarding shuncha vaqtni bekorga ketgazib? - dedi Shuxrat. Va Jalolning :
- Jim bo'lsangchi Shurik eshit davomini - degan ogohlantirishini eshitib be'mani gap aytib yuborganini tushundi. Va tilini tiydi. Kamol asabiylasha boshladi :
- Qachon senga aql kiradi kallavaram! - deya do'q qildi Shuxratga. Shuxrat qiziqqon edi. Bu gap uning ham g'ashiga tegdi. Biroq ayb o'zida bo'lgani uchun indamay qo'ya qoldi. Kamol baland keldim deb o'ylab davom etdi :
- Men shundan cho'chirdim. U sevgimni rad etsa nima bo'ladi? Deb o'ylardim. Va uni o'zimni-ki qilishga bel bog'ladim. U bilan bir muncha vaqt gaplashib yurdim. Va bir kuni unga uyiga sovchilar yubormoqchiligimni aytdim. U bo'lsa o'qishini bahona qilib buni ham rad etdi. Men iztirobga tushdim. Uni ortidan bormadim unga talpinmadim. Ammo sevgim g'ururimdan ustun keldi. Men bu uchun barcha erkaklardan uzr so'rayman. Uni ortidan bordim. Uni sevishimni to o'lgunimcha uni qadrlashni vada berdim. Farida bo'lsa menga hozircha do'stlik taklif qildi. Buni tushanayabsanlarmi? Hozircha degani keyinchalik sevgi degani do'stlarim. - deya Kamol allanechuk bo'lib ketdi. U o'z baxtidan quvongan holda stolni chertib qo'shiq hirgoyi qilib yubordi. Bundan ajablangan Shuxrat :
- O' pismiq Romeoning dardi ichida ekan-u a? - dedi. Bu gap esa Kamolga og'ir botdi. Odam o'zi shunaqa bo'ladi. Hissiyotlarga berilib yurgan chog'lari o'zini jilovini o'zi torta olmay qoladi. Kamolda ham hozir shunday edi. Do'stining arzimagan hazili unga xaqorat bo'lib tuyuldi va unga g'azab bilan tikildi. Buni Jalol sezmay qoldi va disert buyurtma qilish uchun o'rnidan turib ketdi. Shuxrat esa Kamoldagi bu vajohatni ko'rib hayron bo'ldi va :
- Tinchlikmi? - dedi.
- Menga qilayotgan muomalang yoqmayabdi - deya g'azab bilan o'rnidan turdi Kamol
- Qayoqdagi qizni deb shunchalik o'zgarib ketdingmi?
- Meni haqorat qil chidayman ammo u qayoqdagi qiz emas sen esa qayoqdagi odamsan - deya cho'ntagidan pul chiqarib stolga qo'ydi va chiqib ketdi.