Tasodifiy hikoya: Eski Muhabbat I BOB
O'shanda Zafar 18 yoshda edi u kolledjning ikkinchi kursida o'qirdi. O'sha yili kollejga yangi 1-kur...davomi

Sevgi qissasi 1-qism (by mack)

Добавил:	Ak_47 (28.08.2018 / 00:27)
Рейтинг:	(0)
Прочтений:	10067
Комментарии:	Комментарии закрыты

Qishlog'imizdagi katta mashina Sayid aka bilan gaplashib turgandim. Uning yuk mashinasi borligi uchun daladan do'stim Jasurning jo'xorilarini olib chiqib berishini aytdim. Jasurni Sayid aka bilan muomalasi unchalik yaxshi emasligi uchun indamay turardi. Masala hal bo'lganda Jasur manzilni Sayid akaga tushuntira boshladi. Men esa atrofga qaradim va uzoqdan kelayotgan uchta qizga ko'zim tushdi. Mashinalar o'tib turardi. Kim ekan bular? Bizni qishloqdanmikan? Ular yaqinlashgan sari yuzini taniy boshladim. Birdan seskanib ketdim. Ulardan 2 tasi zamonaviy kiyimda uncha chiroyli emas bittasi esa yorqin uzun qizil ko'ylak kiyib olgandi. Meni hayajon bosa boshladi. Nahotki u o'sha bo'lsa? Ular bizni yonimizdan o'tayotganda birdan hammasi menga qarashdi. Indamadim. Joyimdan qimirlay olmadim. Qizil ko'ylakli qizni ko'zlariga qaradim. Nigohlarimiz bir on tutashdi-yu men batamom jonsiz bo'lib qoldim. Ular ham indamadi. Meni tanishmadimikan? Nima bo'layabdi o'zi? Shu ko'zlarimiz bir necha soniya tutashgan bo'lsa ham menga bir necha soatday tuyuldi. Ular yonimizdan o'tib ketishdi. Orqasidan uzoq tikilib qoldim. Depressiyaga tushib qoldim va hal bo'layotgan masala ham qolib u yerdan ketishga chog'landim. Qizlar boshqa tomonga men esa boshqa tomonga yurdim. Jasur bo'lsa beg'am:
- Hoy! Qayoqqa qarashib yubormaysanmi? Bir o'zim yuklay olmayman - dedi.
Men esa nima deganimni bilmayman. Menimcha 'hozir kelaman' dedim shekilli. Ortimdan baqirib qolishdi lekin bu gaplar qulog'imga kirmadi.
Suv doim to'lib oqadigan katta ariq bo'ylab borar ekanman meni hayol shu to'liq suvlardek olib ketdi. Bu voqea meni maktab paytlarimda bo'lgan edi. Sinfimizda Shahlo ismli qiz bo'lardi. Juda yoqimtoy. Endi u vaqtda yosh bo'lganmiz sevgi, muhabbat degan narsalardan ancha yiroq edik. Shahlo sizlar internetda ko'radigan qizlarni rasmlaridagi qizlarga o'xshamas aksincha ummuman boshqacha edi. Yuzlari sutdek oppoq, kulsa butun chehrasidan quvonch tarqalib butun olamni sevintirib yuborganday bo'lardi. Hullas o'sha qizni yoqtirardim-u lekin o'ziga ayta olmasdim. Bolalarning qochirma gaplaridan cho'chirdim. Sinfimizning aksariyati qizlar bo'lgani uchun bolalar kam edi. Qizlar bilan huddi o'g'il bolalardek muomala qilardik. Hatto futbol o'ynardik . Shahlo bo'lsa kundan kunga ochilib go'zallashib ketardi. Aqlimni o'sha qiz tobora egallab borardi. Kunlardan bir kun unga xat ham yozmoqchi bo'ldim. Qo'limga qalam olib uzoq o'yladim. Lekin yozishga jur'at qila olmadim va o'zimdan o'zim nafratlandim. Mening harakatlarimdan unga befarq emasligim sezilib turardi. U ham menga boshqa bolalardan ko'ra ko'proq muomala qilardi.
Biroq kichik bir oilaviy muammo sabab shaharga ko'chib ketishimizga to'g'ri keldi. O'qishimni ham o'sha yerga ko'chirishlarini aytishdi. Ishlar bilan bo'lib maktabga ham chiqa olmadim. Uni ohirgi bor qanday ko'rganimni eslay ham olmayman. Shaharga borib Shahloni sevib qolganimni bildim. Usiz bir qancha vaqt qiynaldim. Lekin odam hamma narsaga ko'nikar ekan. Uni qayta ko'rmadim. Va boshqa qiz bilan tanishdim (hamma qatori :cute. Hayotim iziga tushib ketdi...
5 yil shaharda yashab qishloqqa qaytdik. Kollejni shu yerda davom etdiradigan bo'ldim. Bugun esa, ha bugun o'sha farishtaga ko'zim tushdi. La'nati juda ham ochilib ketibdi. Qizil ko'ylak biram yarashibdiki haliyam sutday oppoq.
Yurishdan zerikib ariq bo'yiga o'tirdim. Endi qo'lim ishga bormas edi. Kuni kecha Jasur uyimga kelib yalinavergach unga qarashishga rozi bo'lgandim. Umrida dalaga chiqgan odam emasman. Lekin do'stimga yordam berishim kerak edi. Noiloj chiqdim. Dala qurg'ur juda issiq bo'lar ekan. Yer tuproqligi uchun yurishga ham qiynaldim. Qora fudbolkada edim jo'xorilarni ko'targanim uchun chang bo'lib ketdi. Hamma yog'im bir ahvol. Bir kunda dabdalam chiqib ketdi. Qosh qoraya boshlaganda ishni tugatdik. Endi bularni Jasurning uyiga tashish kerak edi. Tashishga esa yuk mashinasi kerak. Qidirib qidirib oxiri Sayid akani topdik. Afsuski o'sha mahal u meni ko'rdi. Ha huddi shu holatimda. Dalada ishlagan dehqon qiyofasida. Uning zamonaviy kiyingan dugonalari orasida meni ahvolim juda abgor edi. Hammayog'im chang. Men ilk sevgimni oldida sharmanda bo'ldim. Meni ko'rib shaharga o'qigani ketgan odam shu ahvolga tushib o'tirsa-ya? Shunchalik o'zgarib ketdimikan? deb o'ylagandir. Indamagani esa battar havotirimni oshirdi. Asabiylashib u yerdan ketdim.
O'sha kuni dalaga qaytib bormadim. Ertasiga do'stim menda hafa bo'libdi. Gaplashgan yuk mashinasini dalaga olib borib yuklashgani odam topa olmay qaytarib yuboribdi.
Men esa endi bu yog'iga nima qilishni o'ylashim kerak edi.


Davomi bor...


Yanada ko'p yozishning iloji bo'lmadi. 5000 ta shirf sig'adi holos.

Mack 2018