Tasodifiy hikoya: эр хотин
Салом сайтдошла мен уз хаётим хакида кискача айтиб бермокчиман, исмим гузал, биз эрим б.н россияда и...davomi

Vaqt qadri: Qarz

Добавил:	Mr_Idaho (21.10.2018 / 06:12)
Рейтинг:	(0)
Прочтений:	9734
Комментарии:	Комментарии закрыты

Дубайга саёҳатга борганимда мени ажаблантирган воқеа билан бўлишмоқчиман...
2014 йил...
Телефон дўконларини айланиб юриб, ўзимга бир телефон аппарати ёқиб қолди ва 210 $ га сотиб олдим.
Бошка дўконга кирсам, айни мен олган русумли телефон 110 $ дан сотилмоқда экан.
Мен дарров 100 $ қиммати билан олганимга ҳайрон бўлиб қайтариб беришни ўйладим.
Чунки, мусофирчиликда 100 $ ҳам катта пул деб ўйлаб, дўконга қайтиб бордим.
Сотувчи йигит афғонлик экан,
- "Бизда сотилган нарсалар қайтарилиб олинмайди" - деб қаттик туриб олди. Анча тушунтирсамда тушунмади.. Шунда мен:
- Мана ол, телефонингни, 210 $ ҳам санга... аммо пулимни қайтармас экансан, қиёмат яқин савобингни манга бериб, гуноҳимни санга бераман. Ана ўша кунда манга долларлар керак бўлмайди - дедим-да эшикка қараб юрдим.
Шунда орқамдан сотувчи йигитни овози келди:
- Жаноб, жаноб мана пулингизни олинг. Менга сизнинг гуноҳларингиз керак эмас! - деб пулимни қайтариб берди.
Мен жуда унинг иймони ва ихлосига ҳайратланиб ундан сўрадим:
- Исминг нима?
- Мухаммад
- Исмингга мос бола экансан - деб дуо қилиб чиқиб кетдим...
Тошкентга келиб, яқин ўртоғимга айтиб бердим. Дустим ҳам ўз дардида қўшимча қилиб:
- Эҳ, ошнажон, қўшним мендан 5 йилдан бери 8000 $ қарзи бор. Ёнига бориб эслатсам, "бермайман, қўлингдан келганини қил" деб жавоб бериб юрибди. Мен ҳам :
- "Қўшни сиз қарзингизни тан оласиз ва бериш ниятингиз йўқ, шундайми?" деб сўраса:
- "Ҳа" – деди, сўнг мен:
- "Қиёмат куни савобингизни берасиз ва ман сизга гунохларимни бераман, шунда ман сиздан бошқа пулимни сўрамайман, келишдикми?- деб сўрадим...
- “Майли, вой худога шукр, шунда бошқа мандан сўрамайсизми қарзингизни?” - деб жавоб қилди.
Бу кўшнимнинг иймонсизлигидан ҳайрон қолдим.
Қарз балосидан қўрқмасак?!
Ҳадисларга иймон келтирмасак?!
Яна намоз ўқиб юрамиз. Аҳли мусулмонман деймиз. Бировнинг ҳаққи бировнинг дили оғришидан қўрқмасак.
Ҳақ Таолонинг олдига борганда, саволи ва жавоби борлигига ишонмайсизми? - дегим келди...