Tasodifiy hikoya: Нигора опа билан (кўчирилган)
Асалому алайкум азиз сайтдошлар. Мени исмим Шухрат ёшим 20да бу вокеа кузди бошида болиб откан. 2та ...davomi

МАРДИКОР КИЗ кисса: 12 кисм. (Реал вокеа)

Добавил:	Siryozni (20.08.2019 / 21:11)
Рейтинг:	(0)
Прочтений:	13674
Комментарии:	1

��ъзамнинг кейинги пайтларда кули ишга бормай колди. Вахоланки, айни чогда фирма ишлари нихоятда авж палласига чикканди. Яхшиямки, ишби-лармон уринбосари Фарход унинг урни-ни билдирмай турибди, йукса ташкилотнинг холи нима кечарди, бу ёги коронги. Аъзам Мохигулни излаб куп бора мардикор бозорига борди, бирок унинг гузал сиймосини узокдан булса-да курмокка мушарраф булол-мади. Ошик йигитнинг кузи факат мардикор аёллар ичидаги таниш чехра - Барнога тушарди, аммо севгилисидан дарак йук. Бундан токати ток булган Аъзам нихоят Барнога якинлашди.
- Ассалому алайкум, опа!
- Э-э, яхшимисиз, Аъзамжон?
- Яхши, рахмат...
Барно уни хамиша йул четида машина-сида утириб кутишларини пайкаган булса-да, деди:
- Куринмай кетдингиз?
- Юрибмиз...- Аъзам шундай дея курук-кина жавоб кайтарди, сунг бошка аёлларни улар томон кизиксиниб аланглаётганларини пайкаб:
- Опа, холирок жойга чиксак буладими? - деди утинганнамо охангда.
- Майли, - Барно йигитнинг ортидан эр-гашди.
- Барно опа, - деди Аъзам тухтагач, - сиздан бошка мени Мохигул билан богловчи восита йук. Илтимос, айтинг у каерда?
- Узим хам уни бир ойдан бери курганим йук.
- Нега? - Аъзам безовталанди. - Унинг уйи каерда?
...Барно бир оз иккиланиб турди, сунг йигитнинг илтижоли нигохига дош беролмай деди:
- Уйига хеч бормаганман, факат кучасини биламан.
Аъзам кувониб кетди, чунки унга шунинг узи кифоя эди. У Барнодан куча номини билиб олгач, минг ташаккур изхор килиб машинаси томон кетди. Барно Аъзамнинг ортидан термулиб колар экан, бир пайтлар эри хам шу йигитдек уктам ва куркам булган онларини куз олдига келтирди ва чукур хурсиниб куйди.
Кейинги пайтларда юриш-туриши тубдан узгара бошлаган углининг тушкун кайфиятидан хавотирлана бошлаган Ботир ака билан Муяссар опа кечки тановул пайти суз котишди.
- Углим иштаханг йукми, овкат ейишингнинг мазаси йук?
Паришон утирган Аъзам отасининг саволидан сергакланди:
- Нима?
- Кейинги пайтларда жуда узгариб колдинг, тинчликми? - Ботир ака муддаога утди.
- Нега энди?
- Фарзанд уз ота-онасидан сир сакламаслиги лозим, - дея Муяссар опа гапга аралашди.
- Сир саклаб нима килибман?.
- Углим, - Ботир ака шундай дея вазмин охангда гап бошлади: - Агар ишхонангда бирор машкулотларга дуч келаётган булсанг айт, кулимдан келганча ёрдам бераман.
Аъзам бош чайкади:
- Дада, ишларим жойида хавотирланманг. У шундай деркан, Мохигул хусусида ота-онасига ёрилиш мавриди келганини хис килди, бирок бунга жуърати етмаётганди. Шу пайт Ботир аканинг хазил аралаш:
- Мабодо бирорта кизни севиб колган булма, хойнахой? Мен хам онангни учратганимда худди сендек камсукум булиб колгандим, - деб айтган гапи таъсирида Аъзам:
- Мабодо шундай булса-чи? - деб юборганини билмай колди.
Ботир ака билан Муяссар опа куз уриштириб олишди, сунг ота-она яна углига юзланди:
- Нима буларди? Совчи куйиб, туй киламиз!
Шунда Муяссар опа хам орзу-умидла-ридан келиб чикиб, шошиб суради:
- Топган кизинг тагли-туглигинами?
Аъзам гапни бошлашга бошлаб куйиб, энди ортга йул йуклигини факмлагач, деди:
- Оддийгина оиладан. Аникроги, етим киз.
Муяссар опанинг юзи бузарди.
- Нима?! Канакасига?!
- Шунакасига.
Аъзам Мохигулнинг асл ахволи кейинчалик маълум булгандан кура хозирок баён этишни лозим топди:
- У киз бувисининг карамогида.
- Кашшок хам дегин! - олдинги баёнга шаъма килди она.
Ботир аканинг жахли чикди:
- Хоним, узлари хам оддий дурадгорнинг кизлари эдилар, чамамда. Ёки отангизнинг кумиб куйган хазинаси бормиди? - У шундай деркан, углига юзланди ва лунда килди:
- Кизнинг манзилини айт! Онанг бир-иккита дугонасини ёнига олволиб совчи булиб боради.
Муяссар опа тумшайди:
- Саодатхоннинг кизи Паризодни куз остимга олиб юрувдим-а! Аттанг...
- Аттанг-паттангингни йигиштир, эртагаёк совчи булиб борасан! Тушундингми? - деди Ботир ака хотинининг хафсаласизлигидан жахлланиб.
- Намунча! Олдин кизни суриштирай, - дея эрининг раъйига хеч качон карши боролмаган Муяссар опа бу гал узини гайриодатий тутди.
Бундан баттар жахли чиккан Ботир ака деди:
- Углингнинг калласи жойида, унинг дидига ишонаман.
колаверса етим экан.
етимлар хаётнинг аччик-чучугини бошкаларга нисбатан купрок татиган булади. Хуллас, гап тамом. Эртага ишдан кайтганимда натижани билишим шарт!
Аъзам ташки куринишидан жиддий куринса-да, кунглида шодлик сабоси хис-туйгулари баргларини титратиб эсарди. У шу тобда "яхшиямки, оилада отам хукмрон" дея мамнун уйларди.

Асрга якин уйига кайтган Мохигул иккинчи бора совчилар устидан чикди. Бу эса олдингидан фаркли уларок кизгинанинг ички дунёсини ларзага солди, чунки бу совчилар унинг юрагини махв эта бошлаган йигит - Аъзамдан эди. Мохигул бувиси билан сухбатлашиб утирган иккита башанг аёлни кургач:
- Ассалому алайкум, - деди ийманиб ва хонасига утиб кетди.
- Ваалайкум ассалом, - деди Муяссар опа кизнинг ортидан бокиб коларкан. Мохигулнинг хусну малохати, хамиша углини бирорта бадавлат оила кизига уйлантирмокни режа килиб юрган аёлни-да бефарк колдирмади. У Саломат холага юзланиб максадга утдт:
- Опажон, узи битта-ю битта углимиз бор. Шу десангиз...Набирангизга кунгли тушибди. Хуллас масалада...олдингизга келгандик. - Муяссар опа "кулчиликка" демокни узига лозим топмади.
Саломат хола унинг максадини тушунди, бирок бу масалада бир марта огзи куйганлиги боис эхтиёткор булиб колганди:
- Айланай, набирам хали ёш. Колаверса, сизларни унча танимаймиз.
- Биз эски шахарда турамиз, - деди Муяссар опа шошиб, сунг факрланиб кушимча килди: - Углимиз катта бир ташкилотнинг рахбари. Хм...Агар рози булсангиз шу икки ёшнинг бошини ковуштирсак деган уйда келувдик.
Саломат хола огир кузгалди:
- Мохигул менинг ёлгизгина набирам. Унинг бахти менинг бахтим. Аммо хали туй килишга шароитимиз йук.
- Бу ёгига биз кундаланг, - деди МуСсар опа ховликиб. У айни дамда углининг бошини икки килишдан хам кура бу хонадондан курук кайтишни узига ор деб билаётганди, бирок Саломат хола хадеганда унга ройиш беравермади. Хатто кези келганда набирасини тирик етим булиб усганига-ча яшириб утирмади. Муяссар опа эса хаммасидан хабардорлигини айтиб оёк тираб туриб олди. Саломат хола ноилож "набирамнинг узи рози булса мен карши эмасман" деб бу кайсар аёлдан кутулди. Совчилар кетишгач, Саломат хола Мохигулдан Аъзам хусусида гап очди. Киз эса фавкулод-да уз хис-туйгуларини енгиб кунгил истагига карши борди.
- Йук, бувижон, мен унга теголмайман. У менинг тенгим эмас, - деди бошини хам килиб. Саломат хола бу жавобдан сунг:
- Узинг биласан. Лекин халиям уйлаб кур, - деди гуё набирасининг аросат азобида эканлигини сезгандек.

Аъзам Мохигулнинг кучасининг муюлишида кутиб олди:
- Яхшимисиз, Мохигул?
- Бу ерда нима киляпсиз? - киз бу кутилмаган учрашувдан эсанкираб колди ва хижолатланиб атрофга олазарак бокди.
- Сизни икки соатдан буён кутиб утирибман.
- Нимага?
Аъзам упкалаганнамо охангда деди:
- Икки марта совчи юбордим...Нега рад килдингиз, Мохи?
Мохигул йигитнинг нигохига дош беролмай, кузини олиб кочди ва хомуш охангда деди:
- Аъзам ака, бизлар бир-биримизга тугри келмаймиз.
- Нима учун?
- Сиз бадавлат, баобру оиладансиз, мен эса...