Tasodifiy hikoya: Sevgi va Muhabbat
Kechki soat 10lar atrofi Shuxrat TV si yoniq oshxonada Telefonini titkilab bir nimani kutib turardi. Yotoqxonada esa uy yumishlaridan yosh bolalariga qarab charchagan turmush oʻrtogʻi Nafosat allaqachon uxlab yotardi. Shuxrat ham nega uxlashga xarakat qilmayotgani ma'lum boʻldi bir oz oʻtib telefoniga xabar keldi, bu chaquruv xabari edi.... -------------- Shuxrat 32yoshda avval Rossiyada qurulishda ishlagan, oʻzi pul topib uy joy qilib, uylangan, hozir esa shaharda taksi qiladi Xotini bil...davomi

yo'qolmadi. Endi men hech bo'lmasa bitta farzandim o'z otasi bag'rida yayrab o'sishi uchun harakat qilishim kerak edi. Kattalari-ku, erim kelgan kunlari jim bo'lib, o'z qobiqlariga o'ralib olardilar. Iloji boricha o'gay otasining ko'ziga ko'rinmaslik, uning jahlini chiqarmaslikka urinishardi. Men ularga shuni uqtirgandim.

Erim har safar Qarshiga yo'l olganida "bu safar kelarmikan yo qolib ketarmikan" deb kun emas, daqiqa sanab o'tirardim. Faxriddin akam Zohidjonni ota-onasining oldiga olib borib tanishtirish haqida bir so'z ochdiyu, keyin jim bo'lib qoldi. Men bir-ikki shu haqda gap boshlasam, qovog'i osilib ketadigan bo'ldi. Tushundimki, garchi shar'iy bo'lsa-da, noqonuniy tug'ilgan o'g'lim ham endi bu yukni butun umr ko'tarib yurishga mahkum edi.

Mana, yoshim ulg'ayib, to'ng'ich farzandlarimni uyli-joyli qildim. Erim ularning to'yida qorasini ham ko'rsatmadi. Yoshim kattalashib, tarovatim, husnim yo'qola boshlagach, erim ham biznikiga kelishni kamaytirdi. Shunchaki, bolasini ko'rgani oyda bir-ikki marta kelib qo'yardi, xolos. Yaqinda kenjatoyimni ham uylantirdik. Otasi moddiy jihatdan turib bergan bo'lsa-da, allaqanday xizmat safarini bahona qilib to'yda qatnasholmasligini bildirdi. Otasi tirik bo'la turib, kelmadi, degan andishadan qo'rqib faqat xotin-xalaj bilan "eskicha to'y" qilib kelinni tushirib oldik.

Kundoshim esa sabr bilan erini yonida ushlab qoldi. Qaynona-qaynotasining duosini oldi, farzandlarining to'yida Faxriddin aka bosh bo'ldi.

Ko'pincha ikkinchi xotinlik - nafsning buyrug'i bilan yuzaga keladigan holat, deb qaraladi. Balki bu gapda jon bordir, ammo bizning turmush nafs emas, muhabbat ustiga qurilgan deb o'ylayman. Shunga qaramay, baxtli bo'lolmadim, chunki men birovning oshiga sherik bo'lgandim. Sheriklik oshni it yemas, deganlari naqadar rostligini bugun anglab turibman.