Tasodifiy hikoya: 3 taloq (turnir uchun)
-sherzod oddiy bir oilaning o'rtancha o'g'li u bolaligidan aqilli, esli bir so'zli bolab bo'lib o'sd...davomi

rangi quv o'chib, ro'moli bo'yniga tushib ketganini, katta-katta chiroyli ko'zlarida qo'rquv borligini payqadi. Qiz ingichka qo'llari bilan yana yigitning ko'kragidan itardi.
- Qo'yvor, - dedi yig'lamsirab.
Yodgor ko'nglida bu qizga nisbatan allanechuk yaqinlik sezdi. Shilqim bolalar faqat uni emas, o'zini ham qo'shib haqoratlayotgandek, g'ijinib ketdi.
- Nega birovga osilasan? - dedi o'zini arang bosib. - Tinch qo'y uni!
Sigaret tutatib turgan kurtkali yigit Yodgorga xo'mrayib qarab qo'ydi-yu, qizning tepasiga engashib kuldi:
- Qo'rqmang, hech nima qilmaydi... Qor... Yumshoq...
Uning behayo qarashidan niyati yomon ekanini bildi-yu, Yodgorning qoni qaynab ketdi. Sakrab turdi-da, yugurib kelib, o'tirgan yigitning sharfiga yopishdi. Siltab o'rnidan turg'izdi. Bir lahzada qiz uchib o'rnidan turganini, etikchalarini taqillatgancha qo'lidagi tugunchasini silkitib, haydovchi tomonga chopganini ko'rib qoldi. Eshik taraqlab ochildi. Qiz vagon zinasida turgancha bir daqiqa burilib qaradi. Yodgor uning chiroyli ko'zlarida chuqur minnatdorchilik borligini sezib qoldi. Ammo u hamon o'zini bosib ololmas, titrar edi.
Vagon yana g'izillab ketdi. Yodgor yigitning yoqasini qo'yib yubordi.
- Shuyam ishmi? - dedi goh u, goh bu yigitga qaragancha ovozi titrab.
(davomi bor)