Tasodifiy hikoya: Instruktor... 2-qism...
Endi uni sonlariga bemalol qarardim. Chunki endi u meni qayerga qarayotganimni bilolmas edi. Uning o...davomi

Эркаклар нима учун хиёнат қилишади?

Добавил:	DisseR(n1) (15.11.2014 / 10:42)
Рейтинг:	(0)
Прочтений:	18459
Комментарии:	Комментарии закрыты

Саволга 6 нафар эркак жавоб
беради. Деярли барча
қаҳрамонларимиз хиёнатда
эр ва маъшуқа эмас, балки рафиқа айбдор бўлишини
таъкидлади... Бу бизни лол қолдирди! Меҳр етишмаса Самандар ҲАМРОҚУЛОВ, хонанда,
уйланганига 7 йил бўлган. — Аёлидан кўнгли тўлмаслик, эр-хотин
бир-бирини тушунмаслиги, уйда ва
оилада меҳр, эътиборнинг
етишмаслиги эркакни хиёнат қилишга
етаклаши мумкин. Эркак излаганини
топишга қодир, енгилликка ўрганганлар, албатта, кўчадаги
«иккинчи ҳаёт»ни афзал билади.
Оиласини устун билганлар эса
сўнаётган меҳрни алангалатишга
ҳаракат қилади. Ахир кўчада янги ҳаёт
бошлагандан кўра, бор оилани мустаҳкамлаш осонроқ-ку. Бир
нарсани унутмаслик керак, рафиқасига
хиёнат қилган эркак ўз ота-онаси,
фарзандлари, оиласининг тинчлигига
ҳам вафосизлик қилган бўлади.
Фарзандларининг онаси бўлган аёлни севиш лозим, ахир у ўз ота-онаси ва
уйин ташлаб, эрининг ортидан
келдими, эъзозлаб, қадрлаш шарт! Аёл
ҳам ўз навбатида турмуш ўртоғининг
кўнглини олиш, эътиборли бўлиш,
уйда хотиржам муҳитни яратиш ва муаммолар ҳақида камроқ гапиришга
одатланиши муҳим. Кўчада ишлаб
юрган эркак оиласи ва уйини соғиниб
келишини таъминлаш аёлнинг
зиммасида. Эътиқоди сустлиги туфайли Рустам ЖАББОРОВ, ёзувчи, уйланганига
14 йил бўлган. — Хиёнат... Тилимизда энг совуқ
эшитиладиган сўзлардан бири. Эркак
нимага хиёнат қилади, деган савол ҳар
бир аёлни ўйлантириши ҳақиқат.
Чунки ҳамма турмуш ўртоғининг
садоқатли бўлишини истайди. Бироқ, хиёнат аталмиш мудҳиш иллатдан
бирор оила суғурталанмаган. Келинг, саволни сал бошқачароқ
қўяйлик: Эркак қандай ҳолатда хиёнат
қилмайди? Таъбир жоиз бўлса, хиёнат
ботқоғига чўкиб кетмаслиги учун ҳар
бир эркакнинг икки қўлидан икки
сирли куч тутиб туради. Буларнинг биринчиси оилага бўлган садоқат,
иккинчиси гуноҳга қўл уришдан
қўрқиш ҳисси. Одатда эркак зоти
меҳрга, эътиборга, ширин сўзга жуда
муҳтож. Оилага садоқатни
мустаҳкамлаш учун аёл зотидан эрига нисбатан максимал даражада эътибор
ва муҳаббат талаб этилади. Ақли
комил эркак ҳеч қачон гулдек покиза
оиласи, садоқатли, вафодор аёлининг
юзига оёқ босмайди. Эътиқод ҳам
эркакнинг нафсини жиловлаб турадиган мустаҳкам куч. Аммо, иймон-
эътиқод даражаси ҳар кимда ҳар хил
эканини ҳам унутмаслик керак. Шу
боис, бундай ҳолатда айтилганидек,
ҳар кимнинг ўзига инсоф берсин!.. Темперамент сабаб Дилмурод ЭРГАШЕВ, сексопатолог — Ҳеч бир нарса ўз-ўзидан юзага
келмайди. Эркакни хиёнатга бошловчи
бир қанча манбалар мавжуд бўлиб,
уларнинг бири, бу кўпроқ насл
қолдиришга улгуришдир. Ҳар бир
эркакка табиат томонидан имкон қадар кўпроқ насл қолдириш истаги
берилган бўлиб, оналикка мос аёлни
учратиши билан ундан фойдаланиш
истаги туғилади. Яхшиямки, инсонда
таҳлил қилиш, ўйлаш каби
хусусиятлар мавжуд. Ўзига ёққан аёлни кўрганида эркак ўзини бошқара
олиши мумкин, лекин ирода
мустаҳкамлиги ҳаммада турли хилда
эканлигини ҳам инобатга олиш лозим.
Ҳар ким ўз тарбияси, севгиси ва вафоси
йўл қўйиб берган даражада ҳаёт кечиради. Иродаси ва аҳлоқи суст
эркак эса ўз ҳирсини бошқара
олмаслиги мумкин. Биринчи хиёнатга
етиб келгунга қадар эркак ўзи билан
ўзи руҳан курашади, лекин иккинчи
марта хиёнат қилиши бирмунча осон кечади. Эркак оиласига хиёнат қилишининг
яна айрим сабаблари бор:
кўнгилдагидек, орзусидагидек жинсий
ҳаётни тополмагани, жуфти билан
уйғунлик бўлмагани, темперамент
талаби ҳамда аёлига қасдма-қасд юришдир. Охирги ҳолат камдан-кам
кузатилади. Оёқ учун ванна бўлмаса Ботирхон ИМОМХЎЖАЕВ, қизиқчи,
уйланганига 12 йил бўлган. — Маслаҳатим, аёллар эркак киши
кўзи билан севади деган гапни унутиб
қўймасинлар ва эрларида бекорчи
вақтни юзага келмаслигига аҳамият
берсинлар! Яна бир нарса, эркакни
қулфга солиб, калитини денгизга отиб юборган бўлсангиз ҳам, истаган киши
хиёнат кўчасига кириши мумкин. Аёл очилиб-сочилиб, чиройли бўлиб,
эрининг атрофида гирдикапалак
бўлиши ҳамманинг орзуси-ку! Хотин
эрининг кўзига қараб туриб, нимани
истаётганлагини тушуниши, ош-
овқатга пазанда, уй-жойини тоза тута билиши лозим. Ана шу талаблар
бажарилмаганидагина эркак уй
остонасини ҳатлаб, унга бу шароитни
яратиб берадиган бошқа бир аёлни
излайди. Эркак ишдан чарчаб, оиламни
боқаман деб қийналиб юрганидан кейин дам олгиси келади-да... Эрининг
кўнглини олишни истаган аёл оёқ учун
ванналар қилиб бериш каби
меҳрибонликлардан эринмаслиги
керак. Масалан, менинг рафиқам ана
шундай қилади. Менга эътибор беришидан ташқари ўзига ҳам оро
беришни унутмайди. Зерикканидан Азизбек АҲРОРОВ, руҳшунос,
уйланганига 6 ой бўлган: — Аввало, ўз онасига ўхшайдиган
аёлни қидиради. Айримлар уйидаги
нотинчликдан қочади, бошқа бир
аёлдан паноҳ излаб, вафосизлик
йўлига кириб қолади. Баъзан эса
аксинча, хотиржам ва фаровон ҳаётнинг бир текисда бораётганидан
зериккани учун. Рафиқасининг
ҳаммадан яхши эканлигига яна бир
карра амин бўлиш учун ҳам «ёмон»
аёлни кўришга аҳд қилади. Турли хил
аёллар билан узлуксиз учрашиб юрадиган эркак жинсий ҳаётидан
қониқмайди ва доим ўзига мос
«ҳамроҳ» излаш билан банд бўлади.
Хиёнатнинг яна бир сабаби оилавий
кризис. У турмушнинг ҳар 8-10 йилида
эр-хотин бир-биридан чарчаганда юзага чиқади. Бу вақтда жуфтликнинг
ҳар иккиси ҳам атрофдан меҳр излаб
қолиши мумкин. Яна бир тоифадаги
эркаклар 35-40 ёшида янги
саргузаштлар талаб бўлиб қолишади.
Негаки, бу ёшига келиб, оиаласи бир маромда ҳаёт кечираётган бўлади.
Оилани таъминлаб қўйган эркак эса ўзи
учун яшашни истаб қолади. Инсонни
ҳаракатга келтирувчи омиллардан
бири хоҳиш саналади, эркак киши
хиёнат қилишни истаса, у бу ишни амалга ошириш учун ҳеч нарсадан тап
тортмайди, баҳоналарни ҳам
қалаштириб бера олади. Рафиқасининг
пазанда бўлмагани учун унга хиёнат
қилганини тан олган эркакларни
кўрганман. Эркак бўлгани учун! Исмини ошкор қилишни истамаган
эркак, уйланганига уч йил бўлган: — Сабаби жуда оддий: статистикага
кўра бир эркакка саккиз нафар аёл
тўғри келади. Аёллардан бирига
уйланиб, қолганларини эътиборсиз
қолдирадиган даражада бағритош
эмасмиз! Бу албатта ҳазил! Лекин хиёнат кўчасига кириб кетмаган бўлса-
да, ёнидан ўтиб кетган чиройли қизга
ҳамма эркак ҳам қайрилиб қараса
керак. Аёл зерикса, китоб ўқийди,
дугоналари билан кўришади ёки
тўқиш-тикиш билан банд бўлади. Эркак эса зерикканидан бу каби
ишларни қилолмай, осони бирор аёл
билан таниша қолади-да. Унутманг,
хотин эрники, эр эса элники! Шунга
кўра, ўзингиз хулоса чиқараверинг!