Tasodifiy hikoya: Sevgi uchburchagi 2... Yoxud alamli sevgi qissasi...
Endi ikkovimiz ham bir butun bo'lib ketdik, bellaridan asta qo'limni tepaga ko'tarib silab borayotga...davomi

Telba... (TuNGi_HaMRoX dan yangi hikoya)

Добавил:	TuNGi_HaMRоХ (03.08.2015 / 13:57)
Рейтинг:	(0)
Прочтений:	19440
Комментарии:	Комментарии закрыты

Bu voqea bundan ancha yillar oldin sodir bo'lgandi.
Baxtiyor tog' yon bag'ridagi mo'jazgina qishloqning eng badavlat oilalaridan birining boshlig'i edi.

Avg'onda xizmat qilib qaytgach, ota-onasi uni qishloqning eng go'zal qizi Lobarga uylantirib qo'yishdi. Baxtiyor Avg'ondan qaytgach juda tez boyib ketdi. Ha u uyoqda narko-biznes orqali ancha pul ishlab qaytgandi. U borganda urush tugagan, ularni esa shunchaki chegara postlariga joylashtirishgandi. Bundan esa ular foydalanib qoldi, avvaliga chegaradan ,,mol" olib o'tayotganlarni tunab yurishdi, keyinchalik esa o'zlari haridor topib sotadigan bo'lishdi.
Mana endi u qishloqning oldi boylaridan biriga aylangandi. To'ydan keyin u tog' tepasidan o'ziga dala hovli qurdirib, yoz oylarida oilasi va do'stlari bilan u yerga tez-tez borib turishardi.
To'y o'tgach vaqti soati kelib o'g'illik bo'ldi. Umidjon tug'ilgach, oradan 2 yil o'tib Baxtiyorning otasi vafot etdi va u endi oila boshlig'iga aylangandi. Umidjon 5 yoshga kirgach, ular yana farzandli bo'lishdi. Fotima-Zuxra egizak qizaloqlar dunyoga kelishdi. Baxtiyor o'zida yo'q hursand, farzandlarini yeru ko'kka ishonmasdi. Nihoyat qizaloqlar 4 yoshga kirishganda. O'sha mash'um fojea ro'y berdi.
O'sha kuni tuman markaziga yo'l olgan Baxtiyor qizaloqlarini hovlida qiy-chuv qilib o'ynab yurganini ko'rib ularga zavq bilan ozroq termulib turdida, yo'lga tushdi. Ishlarini bitirib qaytgach hovlisi yonida 3-4 odam yig'ilib turganini ko'rib yuragi shuv etib ketdi. Qadamini tezlatarkan ichkaridan Lobarni yig'lagan ovozini eshitib yugurib uni yoniga bordi.
-Nima gap, nima bo'ldi?
-Dadasi qizlarimiz hech qayerda yo'q, o'zini yig'idan to'xtatolmagan Lobar piqillab javob berdi.
-Qanaqasiga yo'q bo'ladi, sen qayerda eding? Qarasang o'lasanmi, shundoq ham ezilib turgan Lobarga o'shqirgancha tashqariga yo'l oldi.
Hovlisi yonida yig'ilib turgan ayollarga bir yomon qaradida, lekin indamay to'g'ri qishloq uchastkavoyini oldiga bordi.
Tez orada ular uyga birgalikda qaytishib, surishtiruv ishlari boshlandi.
Aniqlanishicha Lobar 3-4 ta uy naridagi qo'shni hotinnikiga chiqgan va gap bo'lib u bilan ancha vaqt birga qolib ketgan. Umidjon esa bu vaqtda maktabga ketgan va qizaloqlar uyda
yolg'iz qolishgan.
-Maktabga ketayotganingda ular qayerda edi?
Dadasining baqirib bergan savolidan qo'rqib ketgan Umid qo'rqa pisa sekin javob qildi:
-Men ketayotganimda ular Shuriklarni traktorini oldida edi.
Shurik- bu ularni yon qo'shnisi Shuxrat bo'lib, u hozir 24 yoshda, yoshligidan esa telba edi. Darvozaxonasi yonidagi buzuq traktor esa ota-onasi vafot etgandan beri yurmasdi. Shuxratni esa buvisi Rohila hola voyaga yetqazgan.
Uchastkavoy hamda Baxtiyor tezda ularni uyiga yo'l olishdi. Ularni Rohila buvi qarshi oldi.
-Kel bolam tinchlikmi, anavi oldingdagi melisami?
-Shurik qayda aya?
-Ey bolam uni bilasanku qayerda yurganini hechkim bilmaydi.
Ular noiloj ortga qaytishdi.
Tez orada butun qishloq oyoqga turdi, hamma qizaloqlarni qidirishga kirishib ketdi. Yig'ilganlarni ko'pchiligi Baxtiyorlarni hovlisidan unchalik uzoq bo'lmagan chakalakzorga, yana bir qismi esa tog' tarafga ketishdi. Qolganlar qishloqda surishtiruv ishlarini olib bordi, ammo bularni barchasi besamar ketardi, qizaloqlar huddi osmonga uchib ketishgandek izsiz g'oyib bo'lishgandi. O'sha kun er-xotin tonggacha mijja qoqmay chiqishdi. Ertalab darvoza taqillagach, ko'zlari yig'idan qizarib ketgan Lobar eshikni ochdi.
-S s s siz? U ko'zlariga ishonmay qoldi.
Uning qarshisida Baxtiyorga turmushga chiqishidan avval ahdu paypon qilgan yigiti Abdulla turardi.